گیارھواں حصّہ ۔  (آیت الکرسی)

نواں جملہ ہے "وَلَا يَـُٔودُهُ ۥ حِفۡظُهُمَا‌"، یعنی "الّٰلہ تعالیٰ کو ان دونوں عظیم مخلوقات آسمان و زمین کی حفاظت کچھ گراں نہیں معلوم ہوتی"، کیونکہ اس قادرِ مطلق کی قدرتِ کاملہ کے سامنے یہ سب چیزیں نہایت آسان ہیں۔

دسواں اور آخری جملہ ہے وَهُوَ ٱلۡعَلِىُّ ٱلۡعَظِيمُ یعنی "وہ عالی شان اور عظیم الشان ہے۔ 

ان دس جملوں میں الّٰلہ جلّ شانہ‘ کی صفاتِ کمال اور اس کی توحید کا مضمون پوری وضاحت اور تفصیل کے ساتھ آ گیا۔

ماخوذ از معارف القرآن، از مفتی محمد شفیع ؒ