سورہ البقرہ: ۳۷

فَتَلَقَّىٰٓ ءَادَمُ مِن رَّبِّهِۦ كَلِمَـٰتٍ۬ فَتَابَ عَلَيۡهِ‌ۚ إِنَّهُ ۥ هُوَ ٱلتَّوَّابُ ٱلرَّحِيمُ

"پھر آدم نے اپنے پروردگار سے (توبہ کے) کچھ الفاظ سیکھ لئے (جن کے ذریعے انہوں نے توبہ کی) چنانچہ الّٰلہ نے ان کی توبہ قبول کر لی۔ بیشک وہ بہت معاف کرنے والا، بڑا مہربان ہے۔"

پہلا حصّہ

وہ کلمات جو حضرت آدم علیہ السلام کو بغرضِ توبہ بتلائے گئے وہ کیا تھے، اس میں کئ روایات منقول ہیں۔ مشہور قول حضرت ابن عبّاس رضی الّٰلہ عنہ کا ہے کہ وہ کلمات وہی ہیں جو جو قرآن مجید میں دوسری جگہ منقول ہیں۔

رَبَّنَا ظَلَمۡنَآ أَنفُسَنَا وَإِن لَّمۡ تَغۡفِرۡ لَنَا وَتَرۡحَمۡنَا لَنَكُونَنَّ مِنَ ٱلۡخَـٰسِرِينَ (۷:۲۳)

"اے ہمارے پروردگار! ہم اپنی جانوں پر ظلم کر گذرے ہیں، اور اگر آپ نے ہمیں معاف نہ فرمایا، اور ہم پر رحم نہ کیا تو یقیناً ہم نامراد لوگوں میں شامل ہو جائیں گے۔"

ماخوذ از معارف القرآن، از مفتی محمد شفیعؒ