Sunday 2 April 2017

تیسرا حصّہ ۔ مسلمان بھائ بھائ ہیں  

بزرگوں نے فرمایا کہ آپس میں لڑائ جھگڑا کرنا، اور ایک دوسرے سے بغض و عداوت رکھنا یہ انسان کے باطن کو اتنا زیادہ تباہ کرتا ہے کہ اس سے زیادہ تباہ کرنے والی چیز کوئ اور نہیں ہے۔ انسان نماز بھی پڑھ رہا ہے، روزے بھی رکھ رہا ہے، تسبیحات بھی پڑھ رہا ہے، وظیفے اور نوافل کا بھی پابند ہے، لیکن ان تمام باتوں کے ہونے کے باوجود اگر وہ انسان لڑائ جھگڑے میں لگ جاتا ہے تو یہ لڑائ جھگڑا اس کے باطن کو تباہ و برباد کر دے گا اور اس کو اندر سے کھوکھلا کر دے گا۔ اس لئے کہ اس لڑائ کے نتیجے میں اس کے دل میں دوسرے کی طرف سے بغض ہو گا اور اس بغض کی خاصیت یہ ہے کہ یہ انسان کو کبھی انصاف پر قائم نہیں رہنے دیتا۔ لہذا وہ انسان دوسرے کے ساتھ کبھی ہاتھ سے زیادتی کرے گا، کبھی زبان سے زیادتی کرے گا، اور کبھی دوسرے کا مالی حق چھیننے کی کوشش کرے گا۔ 

ماخوذ از بیان "بھائ بھائ بن جاؤ"، از مفتی محمد تقی عثمانی دامت برکاتہم

No comments:

Post a Comment