چوتھا حصّہ ۔ مسلمان بھائ بھائ ہیں  

صحیح مسلم کی ایک حدیث ہے کہ نبی کریم ﷺ نے ارشاد فرمایا کہ ہر پیر اور جمعرات کے دن تمام انسانوں کے اعمال الّٰلہ تعالیٰ کی بارگاہ میں پیش کئے جاتے ہیں اور جنّت کے دروازے کھول دیے جاتے ہیں۔ اعمال پیش ہونے کے بعد جب کسی انسان کے بارے میں یہ معلوم ہو جاتا ہے کہ یہ شخص اس ہفتے کے اندر ایمان کی حالت میں رہا اور اس نے الّٰلہ تعالیٰ کے ساتھ کسی کو شریک نہیں ٹھہرایا تو الّٰلہ تعالیٰ فرماتے ہیں کہ میں آج کے دن اس کی مغفرت کا اعلان کرتا ہوں۔ یعنی یہ شخص ہمیشہ جہنّم میں نہیں رہے گا بلکہ کسی نہ کسی وقت جنّت میں ضرور داخل ہو جائے گا لہذا اس کے لئے جنّت کے دروازے کھول دئے جائیں۔ لیکن ساتھ ہی الّٰلہ تعالیٰ یہ اعلان بھی فرما دیتے ہیں:

"لیکن جن دو شخصوں کے درمیان آپس میں کینہ اور بغض ہو ان کو روک لیا جائے۔ ان کے جنّتی ہونے کا فیصلہ میں ابھی نہیں کرتا، یہاں تک کہ ان دونوں کے درمیان آپس میں صلح نہ ہو جائے۔" (ابو داؤد، کتاب الادب)

ماخوذ از بیان "بھائ بھائ بن جاؤ"، از مفتی محمد تقی عثمانی دامت برکاتہم