دوسرا حصّہ ۔  (آیت الکرسی)

مسند احمد کی روایت میں ہے کہ رسول الّٰلہ ﷺ نے آیت الکرسی کو سب آیات سے افضل آیت فرمایا ہے۔ 

ایک دوسری روایت میں ہے کہ رسول الّٰلہ ﷺ نے ابی بن کعب رضی الّٰلہ عنہ سے دریافت کیا کہ قرآن میں کونسی آیت سب سے زیادہ عظیم ہے؟ حضرت ابی بن کعب رضی الّٰلہ عنہ نے عرض کیا کہ آیت الکرسی۔ آنحضرت ﷺ نے ان کی تصدیق کرتے ہوئے فرمایا کہ اے ابو المنذر تمہیں علم مبارک ہو۔ 

حضرت ابوذر رضی الّٰلہ عنہ نے آنحضرت ﷺ سے دریافت کیا، "یا رسول الّٰلہ ﷺ! قرآن میں عظیم تر آیت کون سی ہے؟" فرمایا، "آیت الکرسی۔" (ابنِ کثیر عن احمد فی المسند)

جاری ہے۔۔۔

ماخوذ از معارف القرآن، از مفتی محمد شفیع ؒ