سورہٴ آلِ عمران: ۱۵۔ دوسرا حصّہ

گذشتہ سے پیوستہ۔۔۔

حدیث شریف میں ہے کہ جب سب اہلِ جنّت جنّت پہنچ کر مسرور و مطمئن ہو چکیں گے، اور کوئ تمنّا نہ رہے گی جو پوری نہ کر دی گئ ہو، تو اس وقت حقِ تعالیٰ خود ان اہلِ جنّت کو خطاب فرمائیں گے کہ اب تم راضی اور مطمئن ہو، کسی اور چیز کی ضرورت تو نہیں؟ وہ عرض کریں گے کہ اے ہمارے پروردگار! آپ نے اتنی نعمتیں عطا فرما دی ہیں کہ اس کے بعد اور کسی چیز کی کیا ضرورت رہ سکتی ہے؟ حق تعالیٰ فرمائیں گے کہ اب میں تم کو ان سب نعمتوں سے بالاتر ایک اور نعمت دیتا ہوں، وہ یہ کہ تم سب کو میری رضا اور قرب دائمی طور پر حاصل ہے، اب ناراضی کا کوئ خطرہ نہیں، اس لیے نعمائے جنّت کے سلب ہو جانے کا یا کم ہو جانے کا بھی خطرہ نہیں۔

جاری ہے۔۔۔